O proxecto

A localización do proxecto Ferromolín responde principalmente a dous criterios fundamentais: a planificación territorial e a calidade do recurso eólico.

En primeiro lugar, o proxecto emprazase dentro das Áreas de Desenvolvemento Eólico (ADE) definidas no Plan Sectorial Eólico de Galicia, aprobado polo Consello da Xunta de Galicia. Estas áreas foron identificadas especificamente para acoller instalacións eólicas en emprazamentos considerados axeitados desde o punto de vista territorial e ambiental, favorecendo un desenvolvemento ordenado da enerxía renovable na Comunidade Autónoma. Esta planificación contribuíu ao impulso da transición enerxética, ao fortalecemento da economía galega e ao avance dos obxectivos de descarbonización promovidos a nivel autonómico, estatal e europeo.

En segundo lugar, a zona presenta unhas condicións de vento especialmente favorables para a xeración de enerxía renovable, cun recurso eólico abundante e constante ao longo do ano. Galicia e León contan con algunhas das mellores condicións para o aproveitamento da enerxía eólica en España, o que as converte en territorios estratéxicos para este tipo de proxectos. Os estudos técnicos realizados confirmaron a idoneidade do emprazamento de Ferromolín para maximizar a produción de enerxía limpa e renovable.

Así mesmo, o proxecto benefíciase da proximidade á subestación Santiago 220 kV, o que permite que a infraestrutura de evacuación fose deseñada mediante unha liña completamente soterrada. Esta solución reduce significativamente o impacto visual e minimiza as afeccións ambientais e sociais, favorecendo unha mellor integración do proxecto no territorio.