Vestas - Responsabilidade

A túa comunidade, a nosa responsabilidade

Vestas mantén un firme compromiso coas comunidades nas que desenvolve os seus proxectos, promovendo unha relación próxima, transparente e baseada no diálogo. A compañía traballa de maneira proactiva para minimizar os posibles impactos ambientais asociados á súa actividade e garantir unha integración responsable das súas iniciativas no territorio.

Así mesmo, considera as comunidades locais como socios fundamentais no desenvolvemento dos proxectos, impulsando oportunidades de emprego, colaborando en iniciativas de interese local e fomentando accións que contribúan ao desenvolvemento sustentable da zona. O obxectivo é xerar beneficios compartidos, respectando a contorna e creando valor a longo prazo para o territorio.

O noso obxectivo: desenvolver o proxecto de forma compatible cos valores ambientais e sociais do territorio

Inspección preliminar do emprazamento

Como parte do desenvolvemento do proxecto, levouse a cabo unha inspección preliminar do emprazamento co obxectivo de identificar posibles condicionantes e oportunidades desde os puntos de vista técnico, ambiental, territorial e social. Esta análise inicial permite comprender mellor as características da zona e serve de base para o deseño e a planificación responsable do proxecto

Biodiversidade

Co fin de coñecer e protexer os valores ambientais da contorna, lévase a cabo un seguimento continuo da fauna presente na área do proxecto. Estes traballos permiten identificar a posible presenza de especies sensibles e avaliar calquera interacción potencial coas instalacións previstas.

Para iso, realizáronse estudos específicos sobre distintos grupos faunísticos, incluíndo avifauna, quirópteros (morcegos), mamíferos e herpetofauna, entre outros. A información obtida é fundamental para deseñar e implementar as medidas preventivas e correctoras necesarias, garantindo a axeitada protección da biodiversidade e a compatibilidade do proxecto coa contorna natural.

Arqueoloxía e patrimonio cultural.

Para garantir a protección do patrimonio cultural, realízanse prospeccións arqueolóxicas previas ao desenvolvemento do proxecto que permiten identificar e avaliar a posible presenza de elementos de interese histórico ou patrimonial na zona. Así mesmo, durante a fase de construción lévase a cabo unha vixilancia arqueolóxica continua para asegurar a correcta preservación de calquera achado que puidese producirse.

Respecto polas poboacións locais

Durante o deseño do proxecto analízanse os núcleos de poboación situados na contorna do emprazamento para garantir unha adecuada integración das instalacións no territorio. Este proceso permite identificar e avaliar posibles afeccións, adoptando as medidas necesarias para minimizar os impactos e asegurar a compatibilidade do proxecto coa calidade de vida da veciñanza e cos usos existentes da zona.

Estudos de accesos, xeoloxía e xeotecnia

Realízanse estudos específicos de accesos, xeoloxía e xeotecnia para garantir a viabilidade e a seguridade do proxecto. Estas análises permiten planificar adecuadamente as infraestruturas necesarias, aproveitando na medida do posible os camiños existentes e definindo as melloras que poidan resultar necesarias para facilitar o acceso durante as fases de construción e operación.

Así mesmo, os estudos xeolóxicos e xeotécnicos proporcionan información esencial sobre as características do terreo, a topografía e as condicións do subsolo, contribuíndo a deseñar instalacións seguras, eficientes e adaptadas ás particularidades do emprazamento.

Paisaxe e integración ambiental.

Realízanse estudos específicos de impacto paisaxístico para identificar as zonas con maior sensibilidade visual e avaliar a integración do proxecto na súa contorna. A partir destas análises, defínense medidas destinadas a minimizar a afección sobre a paisaxe e preservar os valores escénicos da zona.

Ademais, desenvolverase un proxecto de restauración vexetal e integración paisaxística que permitirá recuperar as áreas afectadas temporalmente polas obras e favorecer unha mellor adaptación das instalacións á contorna, reducindo ao máximo o seu impacto visual.